Duelin e kthesave, e fitojnë çekanët

Duelin e kthesave të shumta në ndeshje e ka fituar West Ham United sonte. Ekipi që për herë të fundit u paraqit në Upton Park (Boleyn Ground) ka shënuar fitore dramatike ndaj Manchester Unitedit 3-2.

Çekanët e Londrës kishin ardhur në epërsi me golin e Diafra Sakhos, ndërsa në pjesë të dytë Manchester United u kundërpërgjigj me golat e Anthony Martialit për të kthyer gjithçka në favor të vetin, 1-2.

Sidoqoftë, dy asistimet e Dimitri Payetit sollën dy gola për ekipin e drejtuar nga Slaven Bilic, kur Michail Antonio dhe Winston Reid shënuan për të rikthyer 3-2.

West Ham United tashmë është shumë afër të sigurojë daljen në Europë stinorin tjetër, ndërsa lufta për Ligë të Kampionëve mbetet në dorë të Manchester Cityt.

West Ham 3-2 Manchester United HD All Goals… by fantasticfootball