Duruam presionin

Portieri i madrilenëve, Iker Casillas, përkundër kualifikimit në gjysmëfinale të Ligës së Kampionëve, ka qartësuar se rreziqet e tilla si Dortmundi, do të jenë të mirëseardhura për ndeshjet e ardhshme të Real Madridit. 

“Goli i parë ishte gabim i ynë, goli i dytë një gabim në mesfushë. Ne nuk arritëm të shënojmë as penalltinë. E mira e kësaj ndeshjeje është se, më mirë që ndodhi tani, do të marrim mend për herat tjera, derisa kemi treguar se dimë t’ia dalim me presionin e madh,” është cituar të ketë thënë portieri numër një i Spanjës. 

Iker Casillas është rikthyer në portën madrilene, të cilën për një kohë të gjatë në pronësi e kishte marrë Diego Lopez. 

Real Madrid ka mbijetuar epërsinë 2-0 të Borussia Dortmundit në stadiumin e stërmbushur të verdhezinjëve, derisa kishin epërsinë prej 3-0 nga ndeshja në Santiago Bernabeu, të arritur një javë më parë.