4 ndeshje dënim, për Destron

Mattia Destro, që ka qenë njeriu vendimtar i fitores së Romës në Cagliari, për herë të parë pas vitit 1995 në Serie A - është dënuar me katër ndeshje moslojë nga Federata Italiane e Futbollit. 

Destro, që shënoi hat-trick në ndeshjen e fundjavës, për të mbajtur gjallë shpresat e Romës për titull të kampionit, 6 xhiro pa përfunduar Serie A, është parë të ketë tentuar shqelmimin e futbollistit të Cagliarit, Davide Astori, në ndeshjen e fundjavës. 

Këtë gjest, referi i ndeshjes nuk e kishte parë, por pas rishikimit të ndeshjes Federata Italiane vendosi që ta dënojë sulmuesin romak për tre ndeshje moslojë për shkak të këtij gjesti të ulët, derisa një tjetër i shkon për shkak të numrit të kartonave të verdhë të marrë deri më tani - e kështu ai në ndeshjet vendimtare të Romës, nuk do të jetë prezent.