Dy gola nga Fejzullahu

Erton Fejzullahu po vazhdon me paraqitje të mira me skuadrën e tij Djurgarden para fillimit të stinorit të ri në ligën elite të Suedisë.

Sulmuesi kosovar sot ka tundur dy herë portën kundërshtare në ndeshjen përgatitore ndaj ekipit Degerfors, i cili bën gara në kategorinë e dytë të Suedisë

Fejzullahu së pari shënoi në minutën 17’ nga pika e bardhë, ndërsa më pas e dyfishoi epërsinë e skuadrës së tij në minutën 86’.

Skuadra e Fejzullahut, Djurgarden, stinorin e fundit e përmbylli në pozitën e shtatë, ndërsa Fejzullahu ishte golashënuesi i dytë më i mirë në skuadrën e tij me 7 gola.