Dy Manchesterët dhe Arsenal, pas Xavit

Kampioni i posashpalluar i Anglisë, kampioni i stinorit të kaluar dhe Topçinjtë e Londrës - janë në kërkim të legjendës së Barcelonës dhe Spanjës, Xavi Hernandez. 

Kështu ka njoftuar sot e përditshmja britanike, Daily Star, që bazohet në burimet e saja pranë klubeve në fjalë duke marrë sinjale edhe nga agjenti i futbollistit. 

Ish zyrtarët e lartë të Barcelonës, Ferran Soriano dhe Txiki Begiristain që sot kryejnë detyra te Manchester City - janë edhe disa indikues tjerë se Xavi mund të përfundojë te kampioni i posashpallur i Anglisë. Mirëpo, gazeta në fjalë numëron pengesat e Fair-Playit financiar që mund ta pengojnë kalimin e Xavit te Man City, pasi që mesfushori katalonas kërkon së paku 150 funta në javë, rrogë. 

Në anën tjetër, Xavi është njëri ndër futbollistët që i pëlqen loja e Arsenalit - që mund të jetë një arsyet për të përfunduar në Londër. E Manchester United - qëllim kryesor do të ketë zëvendësimin e Paul Scholes, mungesa e të cilit nuk u arrit të mbushet assesi këtë stinor nga asnjë lojtar i provuar aty. 

Për më tepër, mbetet të shihet me të përfunduar stinori edhe në La Liga dhe Kampionati Botëror, prej kur Xavi mund të vendos për të ardhmen e tij, për të cilin u përfol më parë se mund të shkojë edhe në ligën e futbollit amerikan, MLS, për në ekipin e New Yorkut.