ATLETICO MADRID
Malaga nuk e lë Atleticon të bëhet kampion!
11 May, 2014 @20:34
Atletico Madrid e humbi rastin perfekt që të shkoj javën e ardhshme në Camp Nou si kampion.
Lideri i La Ligas nuk arriti të merr më shumë se një pikë në ndeshjen ndaj Malagas.
Portieri i Atleticos, Thibaut Courtois, u befasua në minutën 66’ të ndeshjes, kur sulmuesi i Malagas, Samuel Garcia, e kaloi në epërsi skuadrën e tij.
Baraspeshën në rezultat e dha belgu Toby Alderweireld që shënoi për rezultatin 1-1.
Ekipi mysafir mbeti me një lojtar më pak në minutën 86’ pasi Marcos Angeleri u ndëshkua me kartonin e dytë të verdhë, e më pas edhe me të kuq.
Në ndeshjen e ardhshme dhe të fundit për këtë stinor, Atletico do të luaj kundër Barcelonës në Camp Nou, ndeshje kjo e cila do ta përcaktoj kampionin e sivjetëm të Spanjës. Ekipi i Diego Simeones duhet të nxjerr së paku një barazim nga kjo ndeshje për ta arritur qëllimin.
Rezultatet dhe tabela aktuale.
