Dyshja e dashuruar, ndahet

Kryetrajneri i Manchester Cityt, italiani Roberto Mancini, është shprehur tejet i zhgënjyer dhe ka qenë i emocinuar shumë, kur u përshëndet me sulmuesin e tij, Mario Balotelli. 

“Jemi të zhgënjyer. Ai është i rëndësishëm në ekip. E dua si djalin tim dhe kur e them këtë, e them me plotë zemër. Mirëpo, ai është dashur të shkojë në Itali. Nuk kishim zgjidhje tjetër,” është shprehur Mancini, njofton The Sun. 

Milan ka arritur marrëveshje me sulmuesin italian dhe me Manchester Cityn, duke e blerë Balotellin për 20 milionë euro, ndërsa në bazë të performancave të tija rossonerët do t’i paguajnë edhe 3 milionë të tjera kampionit të Anglisë. 

Manchester City e kishte blerë Balotellin nga Inter për 28 milionë euro në gusht të vitit 2010.