DRENICA - FERIZAJ
E para e pranverës për Drenicën
23 February, 2019 @14:59
Në takimin e luajtur sot në Skenderaj, skuadra vendase e Drenicës ka arritur ta mposhtë me rezultat 3-1 skuadrën mysafire të Ferizajit.
Për 1-0 shënoi Kreshnik Uka që në minutën e 5’, e më pas epërsia e vendasve u dyfishua nga Diar Prokshi, i cili shënoi për 2-0 pas asistimit të Taulant Dajakut dhe me këtë rezultat skuadrat shkuan në pushim.
Në pjesën e dytë, të dyja skuadrat shënuan nga një herë. Qemail Elshani i vendasve shënoi për 3-0, kurse golin e nderit për Ferizajin e shënoi Genc Hamiti, ish-futbollist i Drenicës, afro 4 minuta para përfundimit të kohës së rregullt.
Kjo ishte fitorja e parë pranverore për Drenicën, kurse Ferizaji sot pësoi pas fitores së shënuar ndaj Trepçës ‘89 javën e kaluar.
FORMACIONET STARTUESE
| Drenica: Ymeri, Lushtaku, Sykaj, Bejta, Pasoma, Mustafa, Thaqi, Dajaku, Uka, Prokshi, Andrews. Ferizaj: Blakçori, Kuka, Shosha, Mone, Shabani, Dautaj, Shabani, Shala, Hamiti, Qerkini, Gashi. |
