E tërë Barcelona në test për COVID-19

Klubi i Barcelonës ka bërë të ditur sot se do të testojë të gjithë futbollistët dhe stafin për COVID-19, para se të nis stërvitjet në qendrën stërvitore të klubit.

Pas kësaj do të nisin stërvitjet individuale sipas planin të hartuar nga qeveria për aktivitetet e sporteve kolektive.

Barcelona ka komunikuar se LaLiga i ka dhënë leje për të nisur stërvitjet në qendrën stërvitore pasi që ka inspektuar objektin.

LaLiga ka planifikuar që qershori të jetë muaji kur do të rinisin ndeshjet e mbetura të stinorit, që u ndërpre për shkak ta pandemisë.

Futbolli në Spanjë u pezullua në mars pas pandemisë coronavirus, ndërsa lidere e LaLigas është Barcelona me dy pikë më shumë sesa rivali kryesor, Real Madrid.