FITORE E RADHËS NË SKENDERAJ
E treta me radhë në shtëpi, Drenica mposht Vëllaznimin
8 October, 2023 @18:11
Drenica ka shënuar edhe fitoren e tretë me radhë në “Bajram Aliu”, ndërsa ekipi kuqezi nga Skenderaji ka arritur mesin e renditjes tabelare me fitoren e sotme ndaj Vëllaznimit të Gjakovës.
Drenica 2-1 Vëllaznimi [Nue Nrecaj 38’, Genc Hamiti 74’ - Berat Ahmeti 41’]. Për Vëllaznimin kjo ka qenë ndeshja e tretë me radhë pa fitore.
Edhe pse arritën barazimin shpejt në pjesë të parë, ata nuk arritën të bëjnë më shumë karshi ekipit të drejtuar nga Bashkim Idrizi në pjesë të dytë për të dalë kokulur nga fusha.
Drenica me fitore arrin kuotën e 11 pikëve pas 8 ndeshjeve dhe është e pesta në renditje, ndërsa Vëllaznimi i shtati, ka 8 pikë nga po aq ndeshje.
