VAZHDON KRIZA E KIKËS!
![Ferizaji shfrytëzon krizën e Kikës për tu ngritur në renditje Ferizaji shfrytëzon krizën e Kikës për tu ngritur në renditje](https://topsporti.com/images/uploads/_new_article_sans/Ferizaji_celeb_goal_vs_kik_oct2023.jpg)
Ferizaji shfrytëzon krizën e Kikës për tu ngritur në renditje
8 October, 2023 @18:26
Skuadra e Ferizajit është ngritur për një pozitë më lart në renditjen tabelare të Ligës së Parë - Grupi B, pasi që ka mposhtur lehtë sot Kikën me rezultat bindës, Ferizaji 3-0 Kika [Egzon Qerimi 14’, 36’, Arlind Shabani 74’].
Kika tashmë ka shënuar disfatën e gjashtë me radhë dhe ekipi i drejtuar nga Sadat Pajaziti është i fundit në renditje qe tre xhiro. E Ferizaji i Ismet Munishit nuk ka kalkuluar fare, ndërsa me golat e Egzon Qerimit në pjesë të parë ka bërë dallimin, për të vulosur gjithçka në pjesë të dytë me Arlind Shabanin.
Ferizaji kalon në pozitën e katërt të renditjes me këtë fitore, duke qenë se nga 8 ndeshje tash ka 14 pikë, ndërsa Kika e fundit (e dhjeta) në renditje ka vetëm 3 pikë nga 8 ndeshje.