SHQIPËRIA
REUTERS
Edhe 2 vjet me De Biasin
16 October, 2013 @15:17
Strategu 57 vjeçar italian, Gianni De Biasi, do të mbetet përzgjedhës i kombëtares shqiptare edhe për dy vitet e ardhshme.
Këtë fakt e ka bërë të ditur vetë De Biasi në konferencë për shtyp pas kthimit nga Qiproja sot në mjediset e FSHF-së, transmeton tiranasja Panorama Sport.
Kështu, ka përfunduar drama e trajnerit të Shqipërisë për dy vitet e ardhshme ku kishte mospajtime lidhur me rrogën, pasi që italiani kërkonte rritje prej 30% derisa FSHF-ja i ofroi vetëm 10% më shumë.
Tashmë, Shqipëria me De Biasin do t’ia nis përgatitjet për kualifikime në Kampionatin Europian Franca 2016, ku për herë të parë numri i ekipeve pjesëmarrëse do të jetë 24, e jo 16 siç ka qenë deri në edicionet e kaluara të kampionateve europiane.
De Biasi ka udhëhequr Shqipërinë në 17 ndeshje pas marrjes së detyrës nga tash i ndjeri, kroati Josip Kuze, ku ka arritur bilanc prej 7 fitoreve, 3 barazimeve dhe 7 humbjeve me golaverazh 20-17.
