Xhaka vulos fitoren e Zvicrës

Granit Xhaka ka qenë golashënuesi i vetëm i takimit ndërmjet Zvicrës dhe Sllovenisë, të cilën zviceranët e fituan me rezultat 1-0. 

Për skuadrën e Zvicrës të udhëhequr nga strategu i njohur gjerman, Ottmar Hitzfeld, kualifikimi u siguruar në xhiron e kaluar me fitore ndaj Shqipërisë në Tiranë. 

Mirëpo helvetët sot konfirmuar forcën duke e mposhtur Slloveninë e kthjellur që prej ardhjes së Srecko Katanecit në krye të ekipit duke e mposhtur 1-0 dhe duke ia mohuar barazhin. 

Sllovenia kishte regjistruar katër fitore me radhë para kësaj ndeshjeje dhe ka qenë prishtinasi Granit Xhaka që i dha fund kësaj serie sllovene pas asistimit të një shqiptari tjetër, Blerim Dzemaili, në minutën e 73-të të takimit. 

Sllovenia po të fitonte do të futej në barazh, mirëpo humbja i la ata përfundimisht në vendin e tretë dhe në pozitën e dytë të grupit, ku bën pjesë edhe Shqipëria, mbeti Islanda, që barazoi sonte ndaj Norvegjisë si mysafire. 

Për Zvicrën kanë luajtur sot të gjithë shqiptarët, përveç Xherdan Shaqirit të lënduar dhe Valon Behramit që u pushua nga Hitzfeld, derisa Xhaka e Admir Mehmedi ishin në formacionin bazë, Pajtim Kasami hyri si zëvendësues në ndeshje.