Edhe Balaj kërkohet në Serie A

Bekim Balaj, sulmuesi i kombëtares shqiptare që shënoi golin e fitores së Shqipërisë ndaj Portugalisë si mysafir është pranë kalimit në Serie A. 

Njoftimin e ka bërë të ditur tiranasja Panorama Sport, duke u bazuar në burime të saja pranë lojtarit. 

Slavia Prag, ekip të cilit i takon aktualisht Balaj, ka kërkuar për 23 vjeçarin shumën prej 600 mijë eurove si dëmshpërblim nga Atalanta e Bergamos, që ka ofertuar zyrtarisht te klubi çek për shkodranin. 

Balaj ka shënuar golin e fitores së vetme të kuqezinjëve në rrugën për EURO 2016 deri më tani, në fitoren historike ndaj Portugalisë.