Lenjani zyrtarisht në Rennes

Ka përfunduar me sukses transferimi i futbollistit shqiptar, Ermir Lenjani, te skuadra françeze, Rennes.

Anësori i majtë i kombëtares kuqezi ka nënshkruar kontartë 2.5 vjeçare me skuadrën e tij të re.

“Jam shumë i lumtur që gjendem këtu. Ky është një hap i ri në karrierën time. Gelson Fernandes dhe Pedro Henrique (futbollistë të Rennes-it) më kanë informuar për klubin dhe qytetin. Do të provohem në Ligue 1, që është një kampionat mjaft konkurrues. Do të jap më të mirën nga vetja,,” tha 25 vjeçari me rastin e ceremonisë së nënshkrimit të kontratës.

Lenjani kishte udhëtuar dje në Francë, për t’i nënshtruar testeve mjekësore para se të zyrtarizohej transferimi i tij nga skuadra zvicerane, St. Gallen.