MEDIA
Edhe Liverpool i interesuar për sulmuesin e Juves
20 June, 2015 @22:15
Liverpool është futur në garë për shërbimet e sulmuesit spanjoll të Juventusit, Fernando Llorente, bëjnë të ditur mediat angleze sonte.
Pas interesimit të Monacos, Borussia Monchengladbachut dhe Wolfsburgut, tashmë edhe ekipi nga Anfield Road kërkon spanjollin në fjalë.
Alternativa e lirë
Daily Mail shkruan se Llorente është në largim e sipër pas arritjes së Paulo Dybalas dhe Mario Mandzukicit te Juventus, ndërsa shihet edhe si alternativë më e lirë në krahasim me Christian Benteken e Aston Villës.
Llorente që ka bërë karrierë në Athletic Bilbao, me Juventusin ka fituar titullin e kampionit, Kupën e Italisë dhe ka arritur të bëhet nënkampion i Europës.
