Edhe një Suarez te Barcelona

Barcelona ka shfrytëzuar mundësinë e ri-blerjes së lojtarit për të kthyer në radhët e veta Denis Suarezin, që deri dje ka qenë pjesë e Villarealit.

Klubi ka konfirmuar në faqen zyrtare se ka paguar 3.2 milionë euro për të kthyer lojtarin në skuadër.

Denis Suarez do të kryejë testet mjekësore nesër, ndërsa të mërkurën pritet të bëhet prezentimi i tij, ka bërë të ditur klubi katalonas, kampion aktual i Spanjës.

Suarez 22 vjeçar stinorin e kaluar ka zhvilluar gjithsej 48 ndeshje me Villarealin, ku në 36 prej tyre ka qenë startues, ndërsa ka shënuar 5 gola dhe ka asistuar 11 herë.

Suarez ka qenë lojtar i Barcelonës vite më parë, ndërsa i është dhënë ekipeve tjera, por me mundësi të ri-blerjes nga Barcelona.