Edhe tre

Liverpool i afrohet titullit edhe më. Përkundër se në fund të ndeshjes rrezikuan mjaft, kur pranuan golin e dytë, ata në fund siguruan trepikëshin e nevojshëm për të vazhduar rrugën drejt titullit të parë të tyre në Premier League-në e re. 

Sa i përket fillim të ndeshjes, të kuqtë ia nisën shpejtë, në dukje si kampion, me golat e Raheem Sterling dhe Luis Suarez. 

Në pjesën e dytë Gary Hooper i Norwich Cityt, që po lufton për mbijetesë, ul epërsinë e Liverpoolit, por për më tutje u përkujdes përsëri i riu Sterling, që së fundi është edhe kandidat për lojtarin e ri të vitit në Premier League. 

Goli i Robert Snodgrass për Kanarinat, vetëm sa e përcaktoi rezultatin përfundimtar të ndeshjes 2-3. 

Liverpool sot ka 5 pikë më shumë se përcjellësi kryesor i saj në luftë për titull, Chelsea. Deri në fund të kampionatit kanë mbetur edhe tre xhiro. 

Rezultatet dhe tabela aktuale.