Sunderland ndal edhe Chelsean

Macet e Zeza të Sunderlandit kanë vërtetuar edhe njëherë nofkën e tyre ndaj skuadrave të mëdha në Premier League. 

Vetëm një xhiro pasi që i shkëputën pikë Manchester Cityt, nxënësit e Gustavo Poyet, kanë arritur që të bëjnë punë edhe më të madhe - të nxjerrin trepikëshin nga Jose Mourinho në Stamford Bridge. 

Chelsea ishte i pari që avancoi me një gol të shkathët të shënuar nga Samuel Eto’o, mirëpo, Sunderland u rikthye në ndeshje duke shënuar në saje të Connor Wickham për të shkuar në pushim 1-1. 

Pas pushimit, derisa Chelsea kërkonte me ngulm golin e epërsisë, Sunderland ka arritur që gjatë një kundërsulmi të nxjerrë një penallti, në dukje të dytë joekzistuese, për të shënuar golin - që u dha fitoren e madhe në luftë për mbijetesë. 

Ish portieri i Arsenalit, Vito Mannone, ka qenë njëri ndër heronjtë e ekipit të Poyetit - pasi që ka qenë i pamposhtur që nga goli i pranuar nga Eto’o, përkundër rasteve të shumta të londinezëve. 

Disfata i jep goditje të madhe Chelseat në luftë për titullin e kampionit. 

Rezultatet dhe tabela aktuale.