Edhe Valon Berisha merr ftesë nga Kosova

Valon Berisha ka marr ftesë nga selektori i përfaqësueses së Kosovës, Albert Bunjaku, për të luajtur në ndeshjen miqësore kundër Haitit më 5 mars.

Kushtu ka shkruar e përditshmja norvegjeze, Stavanger Aftenblad.

Mesfushori 21 vjeçar i cili luan për skuadrën austriake, Salzburg, mund të jetë një tjetër emër që do ta ‘shkel’ barin e stadiumit Adem Jashari në Mitrovicë.

Ndërsa në lajmin e Aftenblad, përmenden edhe fjalët e Berishës në intervistën e tij të mëhershëm kur kishte thënë se Kosova është atdheu i tij dhe është një nder për të, që ta bart fanellën e përfaqësueses.

Përndryshe, Valon Berisha është edhe pjesë e përfaqësueses së Norvegjisë, me të cilën deri më tani ka pasur 9 paraqitje, përfshirë këtu edhe dy paraqitje kundër Shqipërisë në kuadër të eliminatorëve për Botëror.

Përveç tij, është përmendur edhe emri i vëllaut të Valonit, Vetonit, i cili luan për skuadrën norvegjeze, Viking, ku thuhet se ky i fundit nuk është kontaktuar nga ekipi përzgjedhës i Kosovës për ndeshjen kundër Haitit, megjithëse lojtari është i gatshëm për ta pranuar ftesën për të luajtur për Kosovën.