Emin Bajrami, kryetrajner i Hajvalisë

Rezultatet e dobëta, kanë detyruar skuadrën e Hajvalisë të bëjë disa ndryshime në shtabin teknik, në mënyrë që skuadra të këndellet dhe t’i shpëtojë rënies nga Superliga.

Kështu, trajneri i deritashëm i Hajvalisë, Synaj Keçi, ka dhënë dorëheqje, ndërsa vendin e tij do ta plotësojë 43 vjeçari, Emin Bajrami.

Bajrami ditë më parë kishte deklaruar se do t’i kthehet futbollit aktiv për ta ndihmuar Hajvalinë, ndërsa tani atij i është besuar posti i kryetrajnerit për ta realizuar qëllimin e njëjtë.