Emre Can kalon te Liverpool

Mesfushori i ri gjerman me origjinë turke, Emre Can, do të jetë futbollisti më i ri i Liverpoolit, njoftojnë mediat angelze sot. 

Can, i cili ka kaluar stinorin në Bayer Leverkusen, pasi që ishte lojtar i kampionit Bayern, ka pranuar të kalojë te nënkampioni i Anglisë stinorin që vjen, shkruan edhe uefa.com. 

“Ne i dëshirojmë të gjitha të mirat atij në Premier League,” ka thënë shefi ekzekutiv i Aspirinëve, Michael Schade. 

Ky është transferi i dytë i Liverpoolit pas përfundimit të stinorit si nënkampion në Angli, derisa Can 20 vjeçar thuhet të jetë përforcim i qëlluar. 

Ditë më parë Liverpool zyrtarizoi edhe sulmuesin anglez, Rickie Lambert.