Holanda vazhdon me fitore

Tulipanët e Louis Van Gaalit kanë shënuar fitoren e radhës në ndeshje miqësore, duke e mposhtur Uellsin sonte me rezultat 2-0, me nga një gol të shënuar në çdo pjesë të lojës. 

Ka qenë së pari mesfushori i Bayern Munchenit, Arjen Robben, që i ka dhënë epërsinë Tulipanëve në ndeshjen e zhvilluar në Amsterdam Arena, derisa në pjesën e dytë sulmuesi i ri Jermaine Lens pas asistimit të Robbenit, ka shënuar për rezultatin përfundimtar të takimit, 2-0. 

Holanda është njëra ndër ekipet më të reja në moshë mesatare që do të merr pjesë në Brazili 2014, derisa Van Gaal është duke tentuar të krijojë skuadër që shkon deri në fund të çdo loje - duke futur këtu përvojën e yjeve të dëshmuara si Arjen Robben, Robin Van Persie dhe Wesley Sneijder. 

Holanda në Kampionat Botëror në grup do të takohet me Spanjën, Australinë dhe Kilin, duke kërkuar së pari të tetën e finales.