SKËNDERBEU - PARTIZANI
Fotot: FKPartizani/fb
Esat Mala vendos derbin
25 January, 2019 @20:59
Partizani i Skënder Gegës ka ngritur avantazhin në krye të klasifikimit ndaj Skënderbeut jashtë forme.
Ndeshja e parë e pjesës së dytë të stinorit në Superiore, përfundoi me fitoren e mysafirëve nga Tirana, që përmes golit të Esat Malës në të tretën minutë të ndeshjes, e fituan atë.
Partizani dukej i fuqishëm në fushë, ndërsa Skënderbeu i Orges Shehit as hija e atij të vitit të kaluar.
Korçarët nuk patën as raste konkrete në lojë, derisa portieri i tyre Aldo Teqja mbrojti në pjesë të dytë penalltinë e shutuar nga Bruno Telushi, pasi që më parë Jasir Asani ishte fauluar në zonë.
Krejt çka ndodhi deri në fund të ndeshjes, ishte kartoni i kuq i Lorenc Trashit, në minutat shtesë të ndeshjes.
Pas kësaj fitoreje Partizani ka arritur kuotën e 40 pikëve, ndërsa Skënderbeu mbetet në 30.
