Spanjollët

A jemi gati t’i urojmë Bayernit titullin e kampionit të Evropës? Pas ringjalljes nga të vdekurit kundër Juventusit sikur të ishte një ekip i udhëhequr nga Rick Grimes, vështirë që mund t’i ndal ndokush gjermanët. Sigurisht jo Benfica. Por, nëse duhet të kenë mësuar diçka, atëherë është syhaptësia që duhet ta mbajnë deri në fund të ndeshjeve. Mungesa e kësaj u kushtoi me dy gola në Torino që për pak sa nuk i eliminuan në Allianz Arena.

Nëse ka ndonjë ekip që mund të ndal Barcelonën, atëherë ata janë Atletico. Por, qasja që kishin marr në La Liga në ndeshjen e fundit në Camp Nou nuk do të kryej punë. Brutaliteti fizik nuk ndal ekipin e Luis Enriques. Ndal një vijë e lartë e mbrojtjes në zonë dhe një mesfushë defensive më e afërt ndërmjet vete – diçka siç bëri Zidane. Barcelona nuk ka qenë më e lëndueshme ndonjëherë. Nëse jo tani, Atletico s’do të mund ta ndal në ndeshjen e dytë.

Dueli i naftës pritet të jetë më interesanti. Anglezëve u është kthyer De Bruyne, dhe me Yayan në mesfushë, mund tu bëjnë ballë francezëve ku sigurisht do të angazhohet Motta që s’ka vend në një ekip të tillë. Pa kreativitet në mesfushë dhe me sulmues si Ibrahimovic e Cavani që nuk lodhen fort për të lidh lojën, organizimi ofensiv mund të has në probleme tek francezët, në rast se nuk angazhohet Lucas, Pastore, apo Verrati.

Wolfsburg mund të shfrytëzojë ndonjë pakujdesi të madrilenëve të cilët janë akoma në eufori pas fitores ndaj Barcelonës. Duhet të jenë më ofensiv sepse gjermanët nuk janë si Barcelona. Gjithashtu dikush duhet ti thotë Sergio Ramos të qetësohet!

Shikoni çiftet e Europa League dhe më thoni që nuk është ligë palidhje. Po të ishte fazë gjysmëfinale me Dortmund – Liverpool, e Athletic – Sevilla krejt do të ishte në rregull. Sparta e Pragës sa do që ka qenë e mirë deri tani, ka eliminuar një Lazio katastrofik, Braga një Fenerbahce turke. Ndoshta është e pakuptimtë që të katër ndeshjet janë në të njëjtën kohë, ama pos Dortmund – Liverpool, s’besoj që do të shikojnë ndonjë tjetër. Pa marr parasysh sa ekipe spanjolle janë në këtë garë, Liverpool – United, tani Dortmund – Liverpool janë ndeshjet kryesore.