Favorit, Cristiano Ronaldo

Treshja më e përfolur në botën e futbollit sot edhe zyrtarisht ka marrë njoftimin se janë kandidatët kryesorë për trofeun Topi i Artë që i ipet futbollistit të vitit. 

Cristiano Ronaldo i Real Madridit, Lionel Messi i Barcelonës dhe Franck Ribery i Bayern Munchenit janë treshja që do të garojnë për më të mirin e stinorit, duke e lënë jashtë listët së ngushtë Zlatan Ibrahimovicin e Paris St Germainit, përkundër stinorit të jashtëzakonshëm që e pat suedezi me ekipin e tij. 

Françezi Ribery ka pasur stinor të mrekullueshëm duke fituar Bundesligën, Kupën gjermane dhe Ligën e Kampionëve si dhe Superkupën europiane. Mirëpo, ai ende nuk konsiderohet nga bastoret si njeriu kryesor për të fituar këtë trofe. 

Leo Messi në anën tjetër, ka shkëlqyer në sjelljen e titullit të La Ligas për ekipin e tij, derisa muajin e kaluar lëndimi e ndali nga loja dhe si po duket edhe nga Topi i pestë i Artë me radhë. 

Cristiano Ronaldo nuk llogaritej se do të mund të fitonte Topin e Artë deri vonë. Mirëpo, zgjatja e afatit nga FIFA dhe kualifikimi i Portugalisë në Kampionat Botëror Brazili 2014, falë Ronaldos dhe forma e tij e jashtëzakonshme këtë stinor (2013/14) duke shënuar 25 gola në 18 ndeshje për Real Madridin - e ka bërë atë favorit, përkundër se Real Madridi nuk fitoi asgjë stinorin që shkoi (2012/13). 

Si rezultat i kësaj, portugezi Cristiano Ronaldo është i favorizuari i bastoreve botërore për të fituar Topin e Artë. FIFA do të shpallë fituesin e Topit të Artë në muajin janar të vitit të ardhshëm. 

KUOTAT: