Barazimi i tretë radhazi

Skuadra e Walter Mazzarit është në krizë të fitoreve. Përkundër se ata qe dy muaj nuk janë mposhtur në Serie A, prej se Roma i përuli në Milano 0-3, ata sonte kanë regjistruar barazimin e tretë me radhë në ligë, ndaj Parmës. 

Për më tepër, Parma ka qenë dy herë në epërsi 0-1 dhe 1-2, derisa Inter është kthyer në ndeshje me golat e argjentinasit Rodrigo Palacio (44’ dhe 54’) dhe ka arritur të dalë edhe në epërsi me golin e kolumbianit Fredy Guarin (56’). 

Por reagimi i Parmës ka qenë i menjëhershëm nëpërmjet sulmuesit të ri Nicola Sansone (11’ dhe 59’), që ka barazuar përfundimisht në 3-3. 

Kështu Inter ka bërë edhe një hap mbrapa në luftën për të hyrë në treshen kryesuese të Serie A-së, derisa Parma është gjithashtu në formë të mirë dhe nuk kanë shijuar humbjen qe një muaj prej se janë mposhtur nga Juventusi në Serie A. 

Rezultatet dhe tabela aktuale.