Pa gola, ndaj ekipit të ligës së tretë

Real Madrid, ekipi me më së shumti trofe të garës më të rëndësishme europiane dhe me më së shumti kampionate të fituara në Spanjë, sonte nuk ka arritur t’i shënojë gol një ekipi nga liga e tretë spanjolle Olimpic de Xativa. 

Ndeshja e vlefshme për Kupën e Mbretit e përfunduar pak më parë ka kaluar me barazim pa gola 0-0, derisa Real Madrid përkundër se nuk ishte me ekipin më të mirë në fushë nuk ka arritur t’i bëj ballë një ekipi modest si Xativa. 

Sergio Ramos, Iker Casillas, Angel Di Maria, Isco e në pjesën e dytë edhe Marcelo, Karim Benzema e Luka Modric, të futur në lojë nga Carlo Ancelotti kanë qenë pjesë e ekipit madrilen që sonte ka lënë gjithçka të vendoset në Bernabeu dy javë më vonë në kuadër të Kupës. 

Gareth Bale nuk është marrë në ndeshje nga Ancelotti për shkak se ishte pak i ftohur, derisa super ylli Cristiano Ronaldo vazhdon të jetë anash për shkak të një lëndimi të lehtë.