Krizë!

Françezi Yohan Cabaye ka pranuar një top të mirë nga Moussa Sissoko në minutën e 61-të të ndeshjes për të shënuar golin e vetëm dhe të fitores për ekipin e tij - Newcastle

Djajt e kuq nga Manchesteri nuk kanë arritur të prodhojnë asgjë nga kjo ndeshje, përkundër se i rikthyeri Robin Van Persie shënoi një gol, por u anulua me pretekst të pozitës jashtë loje.

Adnan Januzaj luajti nga minuta e parë e ndeshjes, por ekipi i David Moyesit nuk ishte fare i frytshëm sot para laraskave të Alan Pardew, të cilit i janë kthyer gati të gjithë lojtarët nga lëndimet.

Edhe pse Moyes provoi me Wilfried Zaha, Anderson dhe Antonio Valencia të ndërronte diçka në lojë, Manchester United vetëm vërtetoi krizën në ekip duke shënuar humbjen e dytë me radhë në Old Trafford - gjë që nuk mbahet mend të ketë ndodhur nën sundimin e Sir Alex Fergusonit.

Përndryshe Newcastle United është në formë të jashtëzakonshme pasi që kjo është fitorja e pestë e tyre në gjashtë ndeshjet e fundit.

Rezultatet dhe tabela aktuale.