Përsëritja e finales së kaluar, në fillim

Nikoqiri i Kampionatit Botëror, Brazili, kampionja aktuale e botës, Spanja dhe ish kampionët botëror Italia dhe Gjermania do të kenë punë për të bërë ashtu që të sigurojnë kualifikimin në fazën e dytë të KB Brazili 2014. 

Brazili i Luis Felipe Scolarit do të ndeshet me Kroacinë në ndeshjen e parë të Grupit A, derisa dy kundërshtarët tjerë nuk janë aspak për tu nënçmuar - Meksikoja dhe Kameruni. 

Kampionja aktuale Botërore, Spanja do të duhet të përsërisë finalen e KB Afrika e Jugut 2010 me Holandën në Grupin B, ku Kili e Australia duket të kenë gjasat e vështira për fazën e dytë. 

Italia dhe Anglia, dy fuqitë europiane do të ndeshet në mes të xhungllave të Amazonës, në Manaus - vend ky që tentohet të shmanget nga shumëkush në këtë Botëror. E Uruguaji që do tu shkaktojë probleme këtyre dy vendeve europiane, do të tentojë t’ia nis mirë aventurës braziliane ndaj Kosta Rikës. 

Zvicra e shqiptarëve, ka nxjerrë Grupin E relativishtë të lehtë me Ekuadorin, Francën dhe Hondurasin, derisa Argjentina në Grupin F, do të ketë punë me debutantin e Kampionateve Botërore, Bosnjen e Hercegovinën si dhe me Iranin e Nigerinë. 

Gjermania, që cilësohet njëra ndër favoritet tjera të Brazilit 2014 dhe që është gjithmonë e rrezikshme për çdokë, ka nxjerrë një grup tejet të vështirë. Portugalia, Gana dhe SHBA-të do të jenë kundërshtarë të tyre, në njërin ndër grupet e vdekjes, siç quhen grupet e vështira ku njëra ndër përfaqësueset e forta duhet të përshëndetet nga Botërori. 

Së fundi, Belgjika, vendi ku ka lindur super talenti kosovar Adnan Januzaj do të ketë grup tejet interesant me Algjerinë, Rusinë e Fabio Capellos dhe Korenë Jugore për t’ia nisur aventurës në Brazil.

BRAZILI 2014, Grupet: