Fitore e madhe e aspirinëve

.Dy derbi të mëdha në ëestfalen dhe dy humbje radhazi në Bundesligë për Borussia Dortmundin që është nënkampion në fuqi i Europës, por edhe i Gjermanisë. 

Mysafirët e sontëm nga Leverkuseni kanë shfrytëzuar rastin me anë të jugkoreanit Heung Min So (18’) për të shënuar golin e vetëm dhe të fitores për Bayer Leverkusenin. 

Goli i aspirinëve ka ardhur pas një gabimi në mbrojtje të një ish lojtari të tyre, Manuel Friedrich, ku Min So u tregua i pamëshirshëm para portierit Roman ëeidenfeller. 

Në fund,  në ndeshjen që nuk kishte më gola u panë dy kartonë të kuq, njëra për mbrojtësin boshnjak të Leverkusenit, Elvir Spahic (80’) ndërsa tjetra pas dy kartonave të verdhë për mbrojtësin grek të Dortmundit Sokratis Papastathopoulos (90+). 

Leverkusen tash është vetëm katër pikë prapa Bayernit lider, derisa Borussia e Dortmundit ka filluar të lajë duart nga shpresa për titull, duke qenë 10 pikë prapa ekipit të Pep Guardiolës që sot tregoi fuqi të jashtëzakonshme në Bremen. 

Rezultatet dhe tabela aktuale.