A DO TË ZHVILLOHET?
Nga stervitjet e ekipit te KF Ferizajit/ Foto: KFFerizaji/fb
Ferizaj-Kika, në dyshim
4 April, 2021 @12:31
Përballja e Ligës së Parë B të Kosovës ndërmjet Ferizajit dhe Kikës mund të mos zhvillohet sot.
Njoftimin e ka bërë të ditur edhe njëherë sot KF Ferizaj përmes një njoftimi të lëshuar në llogarinë e ekipit në Facebook.
Ferizaji qe sa është duke lajmëruar për krizë të madhe financiare në ekip, ndërsa lojtarët dhe stafi nuk kanë marrë paga disa muaj radhazi.
Përkundër kësaj, deri tash Ferizaji ka zhvilluar ndeshjet dhe ka gjasa për mbijetesë në Ligë të Parë.
“Ndeshja Ferizaji-Kika pritet të mos zhvillohet. Lojtarët kanë bojkotuar ndeshjen, pas krizës në klubin tonë. Çka po ndodh me klubin, ku janë aksionarët, ku është kryetari i komunës,” ka shkruar njoftimi i klubit.
Javë më parë, ekipit i doli në ndihmë këngëtari i njohur Labinot Krasniqi që dhuroi një shumë simbolike për ekipin, 3 mijë euro.
Por, gjendja në klub nuk është aspak e mirë dhe tashmë ekipi nuk dihet nëse do të dalë në fushë në përballjen e sotme ndaj Kikës, që pritet të nis në ora 15:00.
