KRIZË
Ferizaji kërkon ndihmë
9 April, 2015 @20:08
Klubi i Ferizajit është në krizë financiare. Pas largimit të trajnerit Rexhep Myrseli, tashmë ekipi ferizajas ka shkruar në faqen zyrtare të tij në Facebook se ekipi është në gjendje të rëndë financiare.
“Skuadra jonë kërkon ndihmë nga bizneset e qytetit dhe nga Komuna pasi që gjendja është tejet e rëndë. Klubi ka mbetur pa trajner dhe lojtarët nuk kanë marrë asnjë cent për disa muaj,” ka shkruar ndër të tjerë njoftimi i ekipit bardhekaltër.
Ferizaji është në pozitë të parafundit të renditjes tabelare të Superligës dhe është duke u munduar që të sigurojë mbijetesën.
Ferizaji i ishte rikthyer Superligës në stinorin 2013/14 kur përfundoi në vend të katërt.
