Ferizaji mbyll sezonin me fitore, Gjilani në barazh

Ferizaji përkundër që ka siguruar mbijetesën e pastër në xhiron e kaluar, nuk ka lejuar mallverzime me rezultat, duke shënuar fitore edhe në përballjen e fundit të stinorit, për të mposhtur Gjilanin 2-1.

Gjilani, do të duhet të kërkojë shpëtimin në Superligë përmes barazhit, ku do të ndeshet me Besën e Pejës për të siguruar një vend në Superligë.

Sa i përket lojës, Gjilani erdhi në epërsi në pjesë të parë. Nga penalltia Wilber Perez i dha ekipit epërsinë 0-1 (37’).

Mirëpo në pjesë të dytë ekipi gjilanas ra nga loja duke marrë informata se në përballjen tjetër Trepça’89 pamëshirshëm fitonte KEK-un. Kjo shoi gjasat e gjilanasve dhe ata u ftohën.

TABELA AKTUALE

E këtë e shfrytëzoi Ferizaji. Së pari Qëndrim Dautaj shënoi për barazim 1-1 (49’), ndërsa pas tij ka qenë Dardan Çerkini që ka shënuar për fitore 2-1 (53’) dhe me këtë rezultat ndeshja përfundoi.

Ferizaji kryen Superligën pas një gallopi fantastik në 7 xhirot e fundit, duke përfunduar sezonin në vend të pestë.

E në anën tjetër Gjilani me 38 pikë, në pozitën e dhjetë, do të kërkojë luftën për Superligë në rastin e barazhit, ku do të takohet me Besën në terren neutral.

FORMACIONET STARTUESE