Ferizajit i ikë fitorja në Hajvali

Hajvlia nuk ka arritur të shënojë fitore ndaj ekipit të renditur në fund të tabelës, Ferizajit. 

Gjendja e keqe e terrenit në Kishnicë ka bërë që loja të mos i përngjajë shumë futbollit, pasi që më shumë kishte baltë e ujë në fushë sesa bar. 

Sidoqoftë, derisa në pjesën e parë futbollistët e të dyja palëve u përlyen mirë në fushë, në pjesën e dytë rrodhën golat. 

Së pari shënoi Hajvalia përmes Semir Zenelit, që shfrytëzoi një asistim të mirë të Fuat Karabegut për t’ia dhënë epërsinë ekipit të tij. 

Mirëpo, Ferizaji nuk u dorëzua. Ata vrapuan dhe e kërkuan golin që erdhi pas një penalltie të realizuar nga Ylber Ramadani. Me këtë rast mbrojtësi i Hajvalisë, Erdin Hashani, u përjashtua me të kuqe, pasi kishte luajtur me dorë në zonë. 

Ferizaji intensifikoi sulmet, por raste të qindpërqindta dështuan të shënojnë Ismail Hasani e Gëzim Rusi, për fitoren befasuese. 

Deri në fund, Liridon Leci i Hajvalisë morri edhe një karton, për tu përjashtuar nga ndeshja, derisa ekipi nga Kishnica humbi rastin që të përfundojë stinorin vjeshtor si kampion. 

Ferizaji në anën tjetër me këtë pikë të fituar do të kërkojë shpresën - në pranverë. 

REZULTATET, TABELA AKTUALE