FERONIKELI - DRITA
Feronikeli e Drita ndajnë pikët
2 October, 2017 @16:57
Me barazim ka debutuar Zekirija Ramadani në detyrën e tij si trajner te skuadra e Feronikelit.
Skuadra nga Drenasi u ndal në barazim nga Drita, në një takim që dhuroi nga një gol për secilën pjesë. Të parët në epërsi kaluan vendasit me golin e Mark Milicajt, kurse barazimin mysafirëve ua siguroi sulmuesi Kastriot Rexha, i cili shënoi pas asistimit të Xhevdet Shabanit.
Ky barazim bën që Feronikeli të mos arrijë fitore për të pestën ndeshje me radhë, pasi që hera e fundit kur kjo skuadër fitoi tri pikë ishte në xhiron e tretë në përballjen ndaj Besës në shtëpi. Në anën tjetër, Drita me këtë barazim arrin në kuotën e 12 pikëve dhe ngjitet në vendin e katërt.
