Ferronikeli miqësore me ish-kampionin e Maqedonisë

Skuadra kampione e Kosovës, Ferronikeli, ka aranzhuar ndeshje miqësore me ish-kampionin e Maqedonisë, Renovën.

Njoftimin e ka dhënë klubi nga Drenasi sonte, ndërsa përballja do të zhvillohet në “Rexhep Rexhepi” të Drenasit të premten, më 8 korrik duke nisur nga ora 17.

Renova nga Xhepçishtja e Tetovës, përkundër se e formuar në vitin 2003 ka arritur që të shpallet kampione e Maqedonisë në stinorin 2009/10 dhe të fitojë Kupën e këtij shteti dy vite më vonë.

Kjo do të jetë miqësorja e dytë e Ferronikelit me skudarat nga shtetet fqinje, pas asaj ndaj Teutës së Durrësit.