Miftari nd’trajner i Prishtinës

Sot, zyrtarisht është caktuar ndihmës trajner i skuadrës së parë dhe si bashkëpunëtor i ngusht i drejtorit sportiv, Lutz Lindemman, trajneri dhe ish-futbollisti i njohur, Mentor Miftari. Miftari, po ashtu do të udhëheq edhe skuadrën e re të Prishtinës – U-19 (juniorët).

Njohja ndërmjet drejtorit sportiv, Lutz Lindemann dhe Mentor Miftarit është e vjetër, që nga koha kur ish-futbollisti ynë luante në skuadrën gjermane, FC Erzgebirge Aue, ndërsa, atëkohë, Lindemann ishte menaxher i skuadrës – kohë kur sëbashku ishte edhe asi i Kombëtares Shqiptare, Ervin Skela.

Mentor Miftari, së fundi ka qenë trajner i kadetëve (U-17) të KEK-ut, me që rast janë shpallur kampion të Kosovës. Kurse, karrierën si kryetrajner ka zhvilluar po në skuadrën e “elektricistëve” nga Obiliqi. Ndërsa, rreth dy muaj e gjysmë gjatë fazës përgatitore verore ka qenë edhe kryetrajner i Hajvalisë.