Festa e madhe islandeze!

Islanda është në festë. Shteti ishull, afër Grenlandës së ftohtë, ka arritur që për herë të parë në histori të vendit të sigurojë një Kampionat Europian. 

Me barazimin ndaj Kazakistanit 0-0, ekipi i drejtuar nga suedezi Lars Lagerback, ka arritur suksesin historik. 

“Kur kam filluar të luajë futboll, as që kam ëndërruar se kjo mund të ndodh,” ka thënë kapiteni i Islandës Aron Gunnarsson pasi që përfaqësuesja në fjalë siguroi biletën për Francë 2016. 

Për më tepër, Islanda ka lënë prapa vetes vende si Holanda e Turqia, të cilët po luftojnë për barazh. 

SHIKO TABELËN AKTUALE NË RRUGË PËR EURO 2016

Islanda ka qenë ekipi i vetëm që kishte mposhtur Shqipërinë në Qemal Stafa gjatë kualifikimeve për Kampionatin Botëror, Brazili 2014. Islanda kishte arritur barazhin për Botëror, por nuk e kishte kaluar pengesën e fundit.