Finalisti vendoset në Stamford Bridge

Shtylla ia mohoi Steven Gerrardit golin, ndoshta të fitores së sotme të Liverpoolit ndaj Chelseat, derisa Raheem Sterling kishte barazuar pas epërsisë së Chelseat në Anfield Road sonte. 

Sidoqoftë, ndeshja e dytë do të përcaktojë finalistin e Kupës së Ligës së Anglisë, që do të luhet javën tjetër në Stamford Bridge. 

Chelsea avancoi me anë të golit të belgut Eden Hazard, në pjesë të parë të ndeshjes nga penalltia, e në fund, portieri belg i londinezëve, i shpëtoi ata nga disfata në ndeshjen e parë. 

Faza gjysmëfinale e Kupës së Ligës luhet në sistemin eliminues sikurse në garat europiane, një si vendas dhe një si mysafir, ku ekipi me rezultat të përgjithshëm më të mirë arrin finalen. 

Çifti tjetër gjysmëfinal në këtë garë është Tottenham Hotspur - Sheffield United, që luajnë nesër mbrëma me fillim nga ora 20:45 ndeshjen e parë mes veti në White Hart Lane.