PARA DUELIT TË PARË
BOROZANI/Erdis Driza
Finlanda ndalon simbolet e Kosovës jashtë sektorit
19 July, 2016 @10:53
Federata e Futbollit të Finlandës në një komunikim zyrtar në faqen e saj të internetit ka bërë të ditur se tifozëve kosovarë që blejnë bileta për pjesët tjera të stadiumit, nuk do tu lejohet bartja e simboleve të vendit të tyre.
ORARI I NDESHJEVE DHE GRUPET > RUSIA 2018
Për më tepër, finlandezët këtë e kanë shkruar edhe në shqip në faqen e tyre, ndërsa tifozët që duan të përkrahin Kosovën janë orientuar në adresën e Federatës së Futbollit të Kosovës për t’i blerë biletat.
“Nëse bleni bileta të sektorëve tjetër, Ju lutemi të keni parasysh se të gjitha bluzat e Kosovës, flamujt, tekstile të ndryshme do t’ju konfiskohen te dera e hyrjes dhe do t’ju rikthehen pas ndeshjes,” ka shkruar Federata e Finlandës.
Ndeshja Finlanda - Kosova do të jetë e para në Grupin I kualifikues për Kampiontin Botëror “Rusia 2018” dhe e para zyrtare për Kosovën në kualifikime.
Takimi zhvillohet më 5 shtator 2016 në Turku të Finlandës me fillim në 20:45 me kohën tonë.
