NAPOLI
Fiton, kualifikohet dhe shkarkon trajnerin!
10 December, 2019 @23:41
Një lajm i vonshëm na vjen nga Italia!
Fabrizio Romano, gazetari më i besueshëm kur bëhet fjalë për futbollin italian, në Twitter ka shkruar që Carlo Ancelotti është shkarkuar nga detyra e trajnerit të Napolit menjëherë pas ndeshjes së sontme, ndeshje të cilën Napoli e fitoi 4-0 përballë Genkut.
Kjo fitore bëri që Napoli të kualifikohet për 1/8 e finales në Champions League, mirëpo logjikisht, ajo që ka shtyer në shkarkimin e italianit është forma jo edhe aq e mirë e Napolit në Serie A këtë sezon.
Më tutje, Romano ka shkruar që në krye të Napolit përkohësisht trajner do të emërohet Gennaro Gattuso, kurse për të ardhmen e Ancelottit më shumë informacione do të ketë ditëve në vijim.
