Fitore e artë për Sevillan

Ishte qendërmbrojtësi boshnjak, Elvir Spahic, i cili arriti t’ia sjellë trepikëshin e parë dhe mjaft të vështirë për vitin 2013, Sevillës. 

Andaluzianët assesi nuk mund të arrinin gjatë ndeshjes deri te goli i fitores ndaj ekipit të fundit në tabelë, Osasuna, që kërcënoi në disa raste. 

Ishte minuta e 83-të e takimit kur boshnjaku shënoi për trepikëshin e parë në Vitin e Ri që ngriti Sevillan nga pozita e palakmueshme, 14, në pozitën e 12-të, prej së cilës andaluzianët do të kërkojnë të shkojnë edhe më lartë në pjesën e dytë të stinorit. 

REZULTATI: 

Sevilla - Osasuna 1-0