Allegri konfirmon Robinhon

Kryetrajneri i Milanit, Massimiliano Allegri, ka konfirmuar se sulmuesi brazilian, Robinho, do të mbetet në Milan, derisa nuk bëhet fjalë për largimin e Kevin Prince Boatengut pas fyerjeve raciste. 

“Mbrëmë bisedimet lidhur me kalimin e Robinhos në njërin prej ekipeve braziliane kanë rënë në ujë, kështu që ai do të mbetet lojtar i Milanit,” ka thënë Allegri për mediat italiane sot, derisa ka thënë se nuk bëhet fjalë për largimin e Boatengut nga ekipi pas fyerjeve raciste që i kishte pësuar ditë më parë në një ndeshje miqësore me Pro Patrian. 

Boateng i frustruar nga fyerjet ndaj tij kishte thënë se dëshiron të ikë nga Italia, mirëpo kjo u demantua shpejtë nga Allegri. Derisa Robinho mbetet, Milan deri më tani ka shitur sulmuesin tjetër brazilian të ekipit - Pato.