Fitore për ngjitje në vendin e dytë

Në një nga dy ndeshjet e ditës së sotme në Superligë, skuadra e Gjilanit ka shënuar fitore minimale ndaj skuadrës së Flamurtarit, për të mbetur kështu edhe më tutje skuadra e vetme pa humbje në Superligën e Kosovës në futboll.

Golin e vetëm për gjilanasit në këtë takim e shënoi Betim Haxhimusa në pjesën e dytë, ndërsa ishte i njëjti lojtar që shënoi edhe në derbin e qytetit të Gjilanit pak ditë më parë.

TABELA AKTUALE SUPERLIGA

10 minuta para mbylljes së kohës së rregullt, Salih Kosumi i vendasve u ndëshkua me karton të kuq, mirëpo kjo nuk bëri që epilogu final të ndryshohej dhe takimi u mbyll me shifrat përfundimtare 1-0.

Kjo fitore, përveç që e mban Gjilanin ende të pamposhtur, e ngrit këtë skuadër në vendin e dytë në tabelë, ndërsa në anën tjetër Flamurtari mbetet edhe më tutje në vendin e parafundit.