DRITA - DRENICA
Fitorja në fund, për 4 pozita më lartë
1 March, 2019 @15:38
Pas një ndeshjeje që dukej se s’do të sillte fare gola, Drita ka arritur që të rrëmbejë tre pikë nga Drenica e durueshme.
Fitorja e ekipit kampion ka ardhur në minutat e fundit, shtesë, të ndeshjes, kur përforcimi dimëror Kyrian Nwabueze ka shënuar për 1-0 dhe pas tij menjëherë ka shënuar edhe Xhevdet Shabani për përfundimtaren 2-0.
Kjo qe fitorja e dytë e Dritës në pranverë, ndërsa raste përgjatë ndeshjes ka pasur edhe Drenica, që tentoi me Taulant Dajakun e Atdhe Grajçevcin.
Fitorja e çoi Dritën nga pozita e tetë në pozitën e katërt të renditjes tabelare, duke e renditur me golaverazh mbi Gjilanin.
