TROFETË E SUPERKUPËS
Foto: FFK
Fituesit e deritashëm të Superkupës së Kosovës!
19 January, 2024 @18:42
Prishtina është e padiskutueshme sa i përket fitimit të trofeve të Superkupës së Kosovës në futboll, ndërsa të tjerët janë larg nga ky trofe sa i përket historisë.
Dhjetë trofe të Superkupës i ka Prishtina në vitrinat e klubit, ndërsa Besa e Pejës e Feronikeli që janë shuar kanë nga dy, njëjtë sikurse Trepça’89. Të tjera skuadrat kanë fituar nga një herë Superkupën, që do t’i shihni mëposhtë.
Sa i përket finaleve, të sakta janë ato të pasluftës, derisa paraluftës të sakta janë ato të shënuara. Të dhënat janë marrë nga Sport Soccer Statitics Foundation.
Nesër, pak para mesditës, 11:00 Ballkani e Prishtina do të luajnë finalen e radhës, duel ky që luhet në Antalya të Turqisë ku ekipet po përgatiten për fazën pranverore të garës.
Kampioni aktual i Kosovës, Ballkani po kërkon trofeun e dytë të Superkupës për t’iu bashkangjitur ekipeve me dy trofe, ndërsa Prishtina kërkon t’i rikthehet trofeut, pas viteve “pauzë” prej saj.
Superkupa tashmë qe disa vite po mbahet në Antalya, pasi që ekipet janë duke u përgatitur atje.
FINALET dhe FITUESIT e SUPERKUPËS:
| 2022/23 | Ballkani | 20.01.2024 | Prishtina |
| 2021/22 | Ballkani | 1-0 | Llapi |
| 2020/21 | Llapi | 3-1 | Prishtina |
| 2019/20 | Prishtina | 3-1 | Drita |
| 2018/19 | Feronikeli | *si fitues i kampionatit dhe kupës | |
| 2017/18 | Drita | 2-1 | Prishtina |
| 2016/17 | Trepça'89 | 5-0 | Besa |
| 2015/16 | Prishtina | 2-1 | Feronikeli |
| 2014/15 | Feronikeli | *si fitues i kampionatit dhe kupës | |
| 2013/14 | Kosova Vushtrri | 2-0 | Feronikeli |
| 2012/13 | Prishtina | *si fitues i kampionatit dhe kupës | |
| 2011/12 | Trepça'89 | 1-0 | Prishtina |
| 2010/11 | Hysi | 3-1 | Besa |
| 2009/10 | Trepça | 2-0 (pas vazhdimeve) | Liria |
| 2008/09 | Prishtina | 5-2 | Hysi |
| 2007/08 | Prishtina | 1-0 | Vëllaznimi |
| 2006/07 | Besa | x-x | Liria |
| 2005/06 | Prishtina | 3-1 | Besa |
| 2004/05 | Besa | *si fitues i kampionatit dhe kupës | |
| 2003/04 | Prishtina | 4-0 | Kosova Prishtinë |
| 2002/03 | KEK | x-x | Drita |
| 2001/02 | Besiana | *si fitues i kampionatit dhe kupës | |
| 2000/01 | Prishtina | 3-0 | Drita |
| 1999/00 | Gjilani | 4-1 | Prishtina |
| 1998/99 | *nuk u zhvillua, për shkak të luftës | ||
| 1997/98 | *nuk u zhvillua, për shkak të luftës | ||
| 1996/97 | *nuk u zhvillua, për shkak të luftës | ||
| 1995/96 | Prishtina | x-x | Flamurtari |
| 1994/95 | Prishtina | x-x | Liria |
| 1993/94 | Dukagjini | 0-0 (5-4)pen. | Prishtina |
| 1992/93 | *nuk ka informatë nëse është zhvilluar |
