Forcon mbrojtjen

Qendërmbrojtësi argjentias, Diego Martin Novaretti, do të jetë partner i ri i Lorik Canës në mbrojtje të Lazios. 

Kështu ka bërë të ditur sot radioja, Lazio Style. Atij i kanë mbetur vetëm edhe testet mjekësore për t’i kaluar dhe të zyrtarizohet si futbollist i ri i fituesit të Kupës italiane. 

Novaretti i cili është 193 centimetra i gjatë ka pasaportë italiane dhe do të vijë si transfer i lirë. Ai së fundmi ka mbrojtur ngjyrat e Deportivo Tolucas në Meksikë. 

Sunderlandi në ndërkohë ka rrëmbyer mbrojtësin lacial Modibo Diakite nga Lazio, si lojtar i lirë. Ndërsa për qendërmbrojtësin shqiptar të Greuter Furth, Mërgim Mavraj, ende nuk ka asnjë lëvizje, përkundër përfoljeve.