Çani afër Vareses

Sulmuesi i kombëtares shqiptare, Edgar Çani, mund të kalojë në radhët e skuadrës nga Serie B - Varese. 

Kështu ka bërë të ditur menaxheri i tij, Dritan Dervishaj, për të përditshmen Panorama Sport. 

“Vetëm Varese është në gjendje të paguajë rrogën e Çanit në Serie B. Skuadrat tjera nuk kanë fuqi financiare për Çanin,” ka thënë Dervishaj. 

Skuadra ku aktualisht luan Çani, Catania, ka bërë të ditur se nuk llogarit në shërbimet e shqiptarit për stinorin e ardhshëm - pas përfundimit të Serie A-së në vendin e tetë. 

Ndërsa kërkesat e shumta për një sulmues si Çani nga Varese, e cila për pak nuk arriti Play-Offin e Serie B-së, mund të bëjnë që sulmuesi 23 vjeçar të kalojë si huazim aty.