Me trajner pa përvojë

Paulo Fonseca 40 vjeçar është trajner i ri i kampionit të Portugalisë, Porto. 

Trajneri i cili ka ngritur ekipin e Paços Ferreiras në vendin e tretë të ligës portugeze këtë stinor dhe i ka siguruar kualifikimin për Ligën e Kampionëve - është emëruar trajner i ri i kampionit të shumëfishtë, Porto. 

Ai ka nënshkruar kontratë dy vjeçare me kampionin e Portugalisë, Porto, që ka fituar 14 tituj kampioni në 20 vitet e fundit. 

Vitor Pereira që e bëri Porton kampion në dy vitet e fundit është larguar për në ekipin e Arabisë Saudite, Al-Ahly. 

Mirëpo emërtimi i trajnerëve të papërvojë nuk ka qenë asnjëherë befasi në Porto, pasi që edhe me largimin e Jose Mourinhos, ata e kanë sjellë Andre-Villas Boasin e panjohur, e pas tij edhe Vitor Perreiran. 

Paulo Fonseca 40 vjeçar është i lindur në Maputo të Mozambikut, ish koloni portugeze dhe para se të vinte në Paços Ferreira ka qenë trajner i dy skuadrave të ligës së tretë portugeze! Stinori i përfunduar ka qenë viti i parë i tij në një ekip të ligës elite.